- Tíðindi, mentan og ítróttur
Ísrael fær høgravenda stjórn
Ísrael fær høgravenda stjórn
Stjórnarsamráðingar eru byrjaðar, og roknað verður við, at nýggj stjórn verður skipað um hálvan november
Benjamin Netanyahu í Likud er farin at skipa stjórn eftir fjórða valið í Ísrael seinastu fimm árini.
Mynd: Ritzau Scanpix
03.11.2022 - 14:26
Líkt er til, at Ísrael fær sína mest høgravendu stjórn nakrantíð eftir tjóðartingsvalið týsdagin.
Flokkurin hjá fyrrverandi forsætisráðharranum, Likud, fekk størri undirtøku enn mett, og tað kom av, at ein lítil arabiskur flokkur fekk ikki umboðan í Knesset.
Benjamin Netanyahu roynir at skipa stjórn saman við tveimum sera víðgongdum flokkum, sum hava fingið rættiliga góðan byr í seinastuni, sigur Áki Johansen, sendimaður í Ísrael.
Hetta var fjórðu ferð í fimm ár, at tjóðartingsval var í Ísrael.
Hoyr innslag í útvarpstíðindunum:
03112022_Val_i_Israel
Áki Johansen er føroyskur sendimaður í Ísrael.
Er kopiera
Nýggjastu sendingar í ÚV
Nýggjastu sendingar í SV
