Privatu miðlarnir megna ikki at endurnýggja seg

Stórar broytingar hava verið á privata miðlamarknaðinum hesi seinastu gott tíggju árini. Nógvu netmiðlarnir hava fullkomiliga broytt fyritreytirnar hjá bløðunum. Upplagið, sum í 2010 var sløk 27.000 bløð um vikuna, er fallið til umleið 10.000 í dag. Fleiri bløð hava snarað lykilin um, og í dag eru bara trý bløð eftir. 

Sambært fyrrverandi ábyrgdarblaðstjóranum á Dimmalætting, Sveini Tróndarson, eru netmiðlarnir farnir við teimum stuttu og skjótu søgunum, so sum grindadráp o.ø., meðan kritiski journalistikkurin í privatu miðlunum mest er at líkna við ein viðfáning:

Reyð tøl á botnlinjuni

Ársroknskapirnir hjá teimum fýra stóru privatu miðlunum, Portal.fo, Dimmalætting, Sosialinum og Norðlýsinum, er ikki tespiligur lesnaður. Samlaða skuldin hjá hesum miðlum er 13,5 mió. kr.:

Redaktiónirnar eru ov smáar

Vantandi fíggjarliga orkan forðar fyri menning, og tað hevur fleiri avleiðingar. Lítil og ongin tilgongd er av útbúnum journalistum, eins og tað er torført at fáa starvsfólk í heila tikið. Redaktiónirnar verða tískil so smáar, at ongin orka er til menning og endurnýggjan:

Lurta eftir framløguni hjá Sveini Tróndarson niðanfyri. Meira tilfar frá miðlaráðstevnuni Miðlar á vegamóti er at finna her.