Løgtingsval: Steðgur í lønarsamráðingum

Løgtingsval: Steðgur í lønarsamráðingum
Samráðingarnar verða ikki tiknar uppaftur fyrr enn nýtt landsstýri er skipað
Lærarafelagið handaði lønardeildini í Fíggjarmálaráðnum krøvini 20. oktober, og síðani hava nakrir fundir verið. Men løgtingsvalið ger, at ongar samráðingar eru fyribils.
Mynd: Bjarni Árting Rubeksen  
 
16.11.2022 - 13:06

Steðgur er í lønarsamráðingunum millum Lærarafelagið og lønardeildina í Fíggjarmálaráðnum. Orsøkin er, at løgtingsval er útskrivað.

- Tá ið val verður útskrivað, er siðvenja, at allar lønarsamráðingarnar halda uppat, og tær verða ikki tiknar upp aftur fyrr enn nýtt landsstýri er valt. 

Tað sigur Jan Mortensen, stjóri á lønardeildini í Fíggjarmálaráðnum.

Lærarafelagið og lønardeildin hittust annars fyrstu ferð 20. oktober, tá ið Lærarafelagið handaði krøvini. Síðani hava partarnir tosað saman nakrar ferðir.

 

Eisini steðgur í øðrum samráðingum

Tað eru ikki bara lønarsamráðingarnar við Lærarafelagið, ið eru steðgaðar fyribils.

Samráðingar vóru eisini byrjaðar við Akademikarafelagið, lærarar á Vinnuháskúlanum, Kommunulæknafelagið, Havnar arbeiðskvinnufelag og Heilsurøktarfelagið, har Komunala Arbeiðsgevarafelagið eisini er við. 

Tær samráðingarnar verða heldur ikki tiknar uppaftur fyrr enn nýtt landsstýri er skipað.

Sáttmálin við lærararnar á Vinnuháskúlanum gekk út í fjør, meðan allir hinir sáttmálarnir gingu út 1. oktober í ár.  
 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592