Óvanliga lýtt í Íslandi

Grønkál spírar, og bæði fjallarósur og føstulávintsrósur bera framvegis sínar grønu og reyðu summarlitir. Soleiðis er støðan í Íslandi, har tað er óvanliga lýtt, hóast vit eru komin langt út í november.

Tað veit íslendska kringvarpið, RÚV, at siga.

Í Reykjavík hevur tað ongantíð áður verið so heitt í november mánaði, sum tað er tað nú. Eisini norðuri á Akureyri er óvanliga milt veður, og har blomstra hjálpirøturnar av nýggjum.

- Hetta hevur verið ein óvanligur novembermánaður, og serliga síðstu dagarnar hevur tað verið óvanliga lýtt, sigur Kristín Björg Ólafsdóttir, serfrøðingur í veðurlagsgransking.

Heitasti novembermánaður í Íslandi var í 1945, men tey metini eru tikin, og nógvastaðni hevur tað verið sjey-átta stig heitari, enn tað í miðal plagar at vera í november.

Kristín Björg Ólafsdóttir sigur tað vera heita luft eystaneftir og úr landsynningi, ið hevur elvt til lýggja veðrið í Íslandi.