Rói Clementsen stjóri í KBI-samtakinum

Rói Clementsen er nýggjur stjóri í KBI-samtakinum. 

Tað boðar samtakið frá í tíðindaskrivi. 

Seinastu tvey árini hevur hann verið sølustjóri í samtakinum. Hann tekur við stjórastarvinum eftir, at gamli stjórin, Karl Birgir Isaksen, andaðist herfyri. 

KBI samtakið umfatar fyritøkurnar KBI, Pólar, Solberg og Tín Lásasmiður. 

Fyritøkurnar veita vørur og tænastur til føroyska vinnulívið. 

Í samtakinum eru 26 starvsfólk.