Russland: Revsa LGBT+ hart

Russiska tjóðartingið, Duman, samtykti hósdagin eina lóg, sum sigur, at øll umrøða av LGBT+, ið kann metast sum positiv ella eggjandi, skal kunna sektast.

Tað skrivar Ritzau-tíðindastovan.

Vanligir russiskir borgarar, sum tosa ella skriva positivt um LGBT+, kunnu fáa eina bót svarandi til 47.000 krónur. Miðlar, ið bróta nýggju lógina, kunnu fáa eina bót upp á 600.000 krónur.

Útlendingar, sum bróta lógina, kunnu verða settir í fongsul í 15 dagar og síðani útvístir.