Ógvusligt skriðulop

Bjargingarfólk leita enn eftir saknaðum fólki eftir eitt skriðulop á Ischia, sum er ein oyggj í syðra parti av Italia. Hetta skrivar AP-tíðindastovan í dag.

Líkið av einari 31 ára gamlari kvinnu er funnið, og tvær familjur við børnum eru millum tey 11 fólkini, sum framvegis eru saknað. 

Luca Cari, sum er talspersónur fyri sløkkiliðið á staðnum, sigur, at teir enn vóna at finna fólkini á lívi, hóast tað er trupult.  

Óvanliga nógv regn seinastu dagarnar var orsøkin til stóra skriðulopið, sum hendi tíðliga leygardagin. Sambært AP eru 164 fólk heimleys eftir hendingina.