Stjóri í BankNordik farin úr tryggingarfeløgum

Heini Thomsen, stjóri í BankNordik, váttar, at tað er hann, sum Tryggingareftirlitið ikki vil hava at vera nevndarlimur í tryggingarfeløgum.

Hann er tí farin úr nevndini í lívstryggingarfelagnum NordikLív og Trygd.

Heini Thomsen arbeiddi í nógv ár hjá grannskoðanarfyritøkuni Januar, sum BankNordik brúkti.

Bíðitíðin ikki hildin

Tryggingareftirlitið vísir bæði til grannskoðanarlógina og til lógina um tryggingarvirksemi í avgerð síni.

Á heimasíðuni hjá Trygd stendur, at ásetta tvey ára bíðitíðin ikki var hildin.

Tað eru tvey ár, frá tí at Heini Thomsen gavst í starvinum sum grannskoðari hjá Januar og grannskoðaði roknskapin hjá Trygd, til hann tók við sum nevndarlimur í Trygd.