Almbulansuviðgerar fegnast um nýggja útbúgving

Høgni Louisson og Nataniel Hjaltalin Brekkstein vóru ikki í iva um at søkja, tá yrkisútbúgvingin at gerast góðkendur ambulansuviðgeri í Føroyum bleiv sett á stovn.

Teir eru millum tey fyrstu at taka útbúgvingina, sum byrjar eftir summarferiuna, tó eru teir ikki heilt nýggir í fakinum.

Báðir hava verið tilknýttir sjúkrahúsverkinum sum hjálparfólk í ávikavist hálvtannað ár og tríggjar mánaðar. 

Og nú eru teir spentir um at fara í holt við at gerast útbúnir ambulansuviðgerar í Føroyum.