Sóknarprestur: Tørvur er á kapellinum á Landssjúkrahúsinum

- Navnið er ikki so avgerandi, men fólk hava tørv á einum rúmi at savnast í á Landssjúkrahúsinum. 

Tað sigur Theodor Eli Dam Olsen, sóknarprestur, nú spurningur er reistur, um tørvur er á einum kapelli til jarðarferðir á Landssjúkrahúsinum.

Kapellið læt aftur fyri hálvum triðja ári síðani, tá korona fór at ganga.

Jógvan Fríðriksson, biskupur, segði við útvarpið fyrr í vikuni, at tørvur er ikki á kapellinum til jarðarferðir.

Theodor Eli Dam Olsen heldur, at tað er ein serstøk løta, tá lokið verður lagt á kistuna, og tí er gott at hava umstøður til tað á Landssjúkrahúsinum. 

Hoyr innslag í útvarpstíðindunum:

Kapellið á Landssjúkrahúsinum, kapell, kapel

Soleiðis sær út á kapellinum á Landssjúkrahúsinum í løtuni. Tað hevur ikki verið brúkt sum kapell, síðani korona fór at ganga.