550.000 kr. at hjálpa flóttafólkum í Miðjarðarhavinum

Reyði krossur Føroya hevur í samstarvi við landsstýrið latið 550.000 krónur til at hjálpa flóttafólkum í Miðjarðarhavinum.

Farleiðin úr Norðurafrika til Italia hevur leingi verið tann mest brúkta og vandamiklasta farleiðin hjá flóttafólkum, sum fara til Evropa sjóvegis. 

Í 2021 doyðu 2.047 fólk, tá tey royndu at sigla um Miðjarðarhavið.

Í fjør fór altjóða Reyði krossur at skipa fyri hjálparátøkum í Miðjarðarhavinum.

Ocean Viking

Ein liður í hesum arbeiði er bjargingarbáturin Ocean Viking. 

Frá februar til november í ár hevur Ocean Viking bjargað 2.392 flóttafólkum úr sjónum.

Teirra millum 14 kvinnur, sum eru við barn, 705 børn og 533 børn, sum ikki vóru saman við vaksnum.