Heimsins besti ungi høgrivongur

Tað er hondbóltsheimasíðan, Handball Planet, ið hevur havt eina atkvøðugreiðslu, har finnast skuldi fram til bestu ungu spælarar í heiminum.

Hákun spælir við felagnum Skanderborg-Aarhus í bestu donsku deildini, men næsta ár skiftir hann til Füchse Berlin, sum er oddalið í týsku bundesliguni.

Heimsins besti ungi hondbóltsspælari er sambært atkvøðugreiðsluni svenski vinstribakkurin Eric Johansson, ið spælir við Kiel í Týsklandi.

Tilsamans vóru 28 ungir hondbóltsspælarar innstillaðir til heiður í atkvøðugreiðsluni hjá Handball Planet, og eftir tveimum vikum høvdu 48.254 greitt atkvøðu á heimasíðuni.