Fimm kommunulæknar í Berjabrekku

Fimm kommunulæknaviðtalur skulu vera í Berjabrekku næsta summar.

Tað sigur Tórshavnar kommuna í dagsskránni fyri býráðsfundin í gjár.

Talan er um eina nýggja viðtalu og fýra verandi viðtalur, sum vera fluttar í nýggj høli. 

Kommunan hevur lógarskyldu til at innrætta kommunulæknaviðtalur.

Býráðið játtaði í gjár 3,5 mió. kr. til kommunulæknaviðtalurnar í Berjabrekku, til innbúgv, tól og annað.

Tað, sum er í verandi viðtalum, verður endurnýtt í tann mun tað ber til.