Løgtingið gerast atkomiligt

– Vit fara at kanna, um vit kunnu gera nakað við heimasíðuna hjá Løgtinginum, so tey, sum hava avbjóðingar við at lesa vanligan tekst, eisini kunnu vera við, sigur Bjørt Samuelsen við In.fo.

Eisini ætlar hon, at tað skal verða lagaligt hjá øllum at koma inn í løgtingssalin, og somuleiðis ætlar tingforkvinnan at bøta um umstøðurnar hjá tingfólkum, so tey millum annað kunnu fáa hvør sína skrivstovu.

Umstøður til tað hava ikki verið nóg góðar í Løgtinginum, men avtala er gjørd við Havnar Arbeiðarafelag um, at Løgtingið skal leiga hølini, har Landsverk hevur hildið til í mong ár.

Fyrsti tingfundur í nýggja árinum verður hósdagin, og tá verður eisini fyrsti fundur í nýggja formansskapinum á tingi.