Grønlendskir trolarar stoyttu saman

Tveir grønlendskir trolarar stoyttu í gjárkvøldið saman nakað sunnan fyri Maniitsoq. Talan er um trolararnar Akamalik hjá Royal Greenland og Polar Nataarnaq hjá Polar Seafood.

Sambært grønlendskum miðlum stóðst eingin mansskaði av hendingini, men báðir trolararnir settu kós móti Nuuk, har teir í dag skulu kannast og sýnast. 

Eftir hvat skilst hevur í øllum førum Akamalik fingið onkran skaða av samanstoytinum, men eingin vandi er á ferð sambært grønlendskum miðlum.