Meira enn helvtin er realkredittlán

Meira enn helvtin er realkredittlán
Flestu bústaðarlánini hava avdrátt, og tað hevur týdning hjá húsaeigaranum, tá niðurgongd er í búskapinum, sigur danski tjóðbankin
Í oktober 2022 vóru bústaðarlánini næstan sjey prosent fleiri enn árið fyri. (Savnsmynd: Tórshavnar kommuna)
 
11.01.2023 - 15:30

Bústaðarlánini frá føroyskum peningastovnum og donskum realkredittstovnum telja stívliga helmingin av øllum útlánunum í Føroyum.

Í oktober 2022 vóru bústaðarlánini næstan sjey prosent fleiri enn árið fyri. 

Orsøkin til vøksturin seinnu árini er hækkandi íbúðar- og sethúsaprísir, serliga í høvuðsstaðarøkinum, skrivar danski tjóðbankin um føroyska búskapin í eini frágreiðing, sum kom mánadagin.

Lán til føroysk húski og virkir vóru í oktober 2022 ávikavist seks og tvey prosent fleiri enn árið fyri.

 

Inntøkan vaksin

Orsøkin til hækkandi bústaðarprísirnar er í høvuðsheitum tann, at tøka inntøkan hjá húskjunum er vaksin.  Hetta saman við stórum fólkavøkstri síðani 2013 og fallandi rentu fram móti endanum av 2021, hevur økt um eftirspurningin eftir bústøðum. 

Somuleiðis hevur útboðið av bústøðum ikki fylgt við búskaparligu framgongdini í samfelagnum. 

Eitt eyðkenni fyri føroyska bústaðarmarknaðin er, at meginparturin av útlánunum til bústaðir hava avdrátt. Hetta styrkir haldførið hjá føroysku húsaeigarunum, tá niðurgongd er í búskapinum, skrivar danski tjóðbankin. 

Er kopiera
Nýggjastu sendingar í ÚV
Sunnudag 16. februar
Bolero - Bartok, Hindemith og Rota
187832
Sunnudag 16. februar
Guðstænasta úr Havnar kirkju
187830
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762
Fríggjadag 14. februar
Veðrið
187798