Brúkaraprístalið: Størsti vøkstur í 40 ár

Brúkaraprístalið vaks 10,1 prosent í fjør. Hetta er størsti árligi vøkstur í 40 ár.

Tað skrivar Hagstovan í dag.

Prísirnir á flestu vøru- og tænastubólkum hækkaðu, men tað eru framvegis prísirnir á matvørum og brennievni til at hita býli, sum eru størsta orsøkin til prísvøksturin.

Prísirnir á mati og drykkjuvørum telja mest í samlaðu nýtsluni hjá einum miðal føroyskum húsarhaldi, sigur hagstovan, og prísirnir á hesum vørubólkum hækkaðu 13,3 prosent seinasta árið.

Hetta er ein vøkstur á nærum fýra prosent, síðani Hagstovan seinast gjørdi upp prístalið í august í fjør.

matvørur

Oljur og fitievni

Serliga oljur og fitievni, eitt nú smør og margarin, eru dýrkað nógv. Tey dýrkaðu við 30 prosentum.

Kjøt er vorðið 17 prosent dýrari, og eisini er stórur vøkstur á kornvørum, eitt nú breyði og mjólkarvørum.

Prísirnir á nýtsluni hjá húsarhaldum til býli hækkaðu góð 18 prosent frá november 2021 til november í fjør. Tað er serliga húsaleiga og brennievni ti at hita býli, sum ávirka hendan vørubólkin, sigur Hagstovan. 

Tað sæst eisini aftur, at tað er vorðið dýrari at læna pening til húsakeyp.