Heilsølur og FK: Eingin vandi fyri ov nógvum PFAS í eggum

Einki bendir á, at donsku vistfrøðiligu eggini, har staðfest er, at ov nógv PFAS-evni eru í, eru endað á føroysku handilshillunum.

Bæði PM heilsøla og Poul Hansen heilsøla hava fingið at vita frá sínum danska veitara, at teir ongan kunnleika hava um, at ov nógv PFAS-evni eru funnin í eggunum.

Støðan er tann sama í Føroya Keypssamtøku, sum keypir egg frá danska veitaranum, Coop.

Tað loypti annars kvøkk á danir í síðstu viku, tá ein kanning hjá danska matvørustovninum staðfesti, at ov stórar nøgdir av PFAS eru funnar í vistfrøðiligum eggum.

Hoyr innslag í útvarpstíðindunum:

Súsanna Poulsen

Súsanna Poulsen er stjóri í Føroya Keypssamtøku.