Grikkaland: Misálit fall

Andstøðan segði í grundgevingini fyri misálitið, at forsætisráðharrin hevur havt týðandi leiklut í einum máli um avlurting.

Leiðarin fyri vinstrasinnaðu andstøðuni, Alexis Tsipras, legði mikudagin fram misálit, har hann skuldsetti borgarliga forsætisráðharran, Kyriakos Mitsotakis, fyri tilvitað av hava sagt ósatt, síðani stóra málið um avlurting varð avdúkað fyri seks mánaðum síðani.

Sambært Tsipras, var forsætisráðharrin oddamaður og leiðari fyri “brotsmannaliðnum”, sum skipaði avlurtingina.

Vinstrasinnaða vikublaðið, Documento, hevur fyrr skrivað, at 30 politikarar, journalistar og vinnulívsfólk eru avlurtað, men Kyriakos Mitsotakis, forsætisráðharri, hevur víst hesum aftur, skrivar norska tíðindastovan, NTB.