Fleiri vitjandi fella tár, tá tey síggja umstøðurnar

Vit kunnu ikki hjálpa øllum, men tað vísir seg, at tey, vit hjálpa, ofta bera stuðulin víðari til onnur, sigur Krista Hvannastein, sum varðar av stuðulsbørnunum hjá Mirjam

Rúni Jákupsson

01.02.2023 - 12:50

0 seconds of 0 secondsVolume 90%

00:00

Mirjam er ein felagsskapur, sum hevur til endamáls at hjálpa kvinnum í Liberia og Kenja. Í løtuni eru 11 føroyingar í Kenja.

Skúlanæmingar í Loiktoktok

Caption:

Næmingar í skúlanum í Loitoktok

Ein teirra er Krista Hvannastein. Hon greiðir frá, at tey hava vitjað skúlan, sum er í slummbýlingi í Nairobi. Umstøðurnar eru ógvuliga primitivar, ásannar hon, og fleiri teirra, ið vitja fyrstu ferð, hava trupult við at hava tamarhald á kenslunum.

Krista Hvannastein og Hilda Viderø

Caption:

Krista Hvannastein og Hilda Viderø saman við stuðulsbarni

Seinni gekk leiðin til ein annan skúla, sum eisini er stuðlaður úr Føroyum. Hesin er í Loitoktok skamt frá Kilimanjaro. Hesin skúlin er ætlaður børnum í framhaldsdeild og studentaskúlaaldri.

Skúlastova í Nairobi

Caption:

Skúlastova í skúlanum í Nairobi

Tað er rørandi at síggja, hvussu stóran mun stuðulin hevur gjørt. Við einum framúr góðum toymi av lokalum fólki, hevur skúlin tikið seg fram væl skjótari enn roknað var við, sigur Krista Hvannastein.

Nairobi

Krista Hvannastein metir, at umleið 100 føroyskir stuðlar eru í løtuni. Hon vónar, sum vera man, at fleiri leggjast aftrat. Upplýsingar um Mirjam eru at finna á hesum leinki.