Bara triði hvør hevur útbúgving sum skúlabókavørður

Bara triði hvør hevur útbúgving sum skúlabókavørður
Skúlabókavarðaútbúgvingin hevur staðið á skránni leingi hjá avvarðandi myndugleikum, uttan at meira er gjørt við tað
Stívliga helvtin av teimum spurdu heldur, at tímatalið, sum skúlabókasøvnini hava at ráða yvir, er ov lítið. (Savnsmynd: Bjarni Árting Rubeksen)
 
02.02.2023 - 11:06

Bara triði hvør skúlabókavørður hevur útbúgving sum skúlabókavørður.

Skúlabókavarðafelagið gjørdi í fjør eina kanning, sum vísir, at bara ein triðingur av teimum, sum arbeiða á skúlabókasøvnunum, hava útbúgving.

Talan er um 63 lærarar. 36 teirra svaraðu í kanningini, 33 kvinnur og tríggir menn, skrivar Skúlablaðið.

Skúlabókavarðaútbúgvingin hevur staðið á skránni leingi hjá avvarðandi myndugleikum, uttan at meira er gjørt við tað. 

- Tí gjørdu vit eina kanning fyri at vísa politiska myndugleikan á stóra tørvin, sigur Thordis Dahl Hansen, forkvinna í Skúlabókavarðafelagnum, við Skúlablaðið. 

 

Thordis Dahl Hansen er forkvinna í  Skúlabókavarðafelagnum. (Mynd: Skúlablaðið)

 

Bara tíggju teirra, sum svaraðu, hava útbúgving sum skúlabókavørður, fýra í Føroyum og seks í Danmark.

Stívliga helvtin teirra halda, at tímatalið, sum skúlabókasøvnini hava at ráða yvir, er ov lítið.

Skúlabókavarðafelagið arbeiðir serliga við tveimum málum.

Tey eru nettupp at fáa eina útbúgving til teir lærarar, sum eru í skúlabókasøvnunum, og fáa fleiri tímar til skúlabókasøvnini, skrivar Skúlablaðið.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592