Ójøvn á máli um ríkisveiting

Lækkingin av ríkisveitingini stendur í uppskotinum til løgtingsfíggjarlóg fyri 2023, og hon fellur eftir øllum at døma í  góða jørð hjá samgonguveljarum.

Ein kanning, sum Spyr.fo gjørdi fyri Kringvarpið í gjár, vísir, at 59 prosent av teimum spurdu, sum á valinum valdu ein av samgonuflokkunum, halda tað vera rætt at lækka ríkisveitingina 25 milliónir krónur í ár.

30 prosent av teimum, sum valdu samgonguna í desember, halda tað ikki vera rætt, og 11 prosent vita ikki.

Men hjá teimum, sum á valinum í desember valdu andstøðuna, er undirtøkan fyri at skerja ríkisveitingina ikki líka góð.

27 prosent av spurdu andstøðuveljarunum taka undir við at skerja ríkisveitingina, 59 prosent halda tað ikki vera rætt, og 14 prosent vita ikki.

Í kanningini hjá Spyr.fo svaraðu 500 fólk í aldri millum 18 og 80 ár.