Hagstovan: Størri vøkstur her enn í grannalondunum

Veruligi, reali, búskapavøksturin í Føroyum var 5,6 prosent í 2021.

Hann var 2,6 prosent í miðal frá 2008 til 2021.

Stórur búskaparvøkstur hevur verið í Føroyum eftir fíggjarkreppuna í 2009. 

Og størri vøkstur er her enn í grannalondunum, skrivar Hagstovan.

Høvuðstølini í tjóðarroknskapinum eru á fyrsta sinni gjørd upp í føstum prísum. 

Hagstovan og BTÚ

Tað ber tí til at máta realvøksturin í føroyska búskapinum og sammeta hann við gongdina í búskapinum í øðrum londum frá 2009 til 2021.

Eins og í nógvum øðrum londum var føroyski búskapurin fyri veruligari, realari, afturgongd í 2009 og 2010.

Men í 2011 vendist afturgongdin til stóra framgongd. 

Koronufarsóttin ávirkaði árið 2020, tá búskapurin var fyri afturgongd, men hann fótaði sær longu aftur í 2021. 

  ;