Andstøðan í Ísrael vil hava val

Trýstið á Benjamin Netanyahu, forsætisráharra í Ísrael, veksur alsamt.

Miðlar boða nú frá eini samgongu, sum er í tvíningum, og sambært andstøðuni er neyðugt við vali í ótíð.

Í boðum til Benjamin Netanyhau, sigur andstøðuleiðarin, Yair Lapid ,soleiðis: Latið okkum seta okkum saman. Tú og eg, forsætisráharri og andstøðuleiðari, og lat okkum saman gera av, nær valið skal verða.

Lapid heldur, at tað ikki slepst undan einum val í Ísrael. 

- Um tað verður um ein mánað ella tveir, so verður val í ótíð. Tað er nóg mikið av fólki í samgonguni, sum ikki vilja hesa støðuna, sigur hann.

Benjamin Netanyahu

Benjamin Netanyahu, forsætisráðharri, er undir stórum trýsti í løtuni. (Savnsmynd)

Netanyahu er undir trýsti,  tí stjórn hansara framvegis ikki hevur megnað at fáa allar gíslarnar aftur frá Hamas.

Funnist verður hvassliga at Netanyahu, tí tað eydnaðist Hamas at leypa á Ísrael 7. oktober í fjør og taka 240 fólk gíslar.