KAF um lønarlyft: Eiga at bíða eftir nýggja sáttmálanum

Tað loysir seg betur hjá teimum, sum skulu gjalda lønirnar hjá námsfrøðingunum, at lovaða lønarlyftið ikki kemur, fyrr enn nýggi lønarsáttmálin millum Pedagogfelagið og Fíggjarmálaráðið er gjørdur.

Tað sigur Per Martin Gregersen, formaður í Kommunala arbeiðsgevarafelagnum, sum er við í samráðingunum um nýggjan sáttmála við Pedagogfelagið.

Hann sigur, at Kommunala arbeiðsgevarafelagið vil hava, at lønartalvan er dagførd, áðrenn lønarlyftið verður lagt aftrat.

Annars verður tað dýrari hjá kommununum, sigur Per Martin Gregersen:

Mirjam Johannesen, námsfrøðingur og leiðari á dagstovninum Sólareygað í Havn, segði soleiðis við útvarpið fríggjadagin, tá almennu lønirnar fyri januar vóru útgoldnar:

Ruth Vang, landsstýriskvinna í fíggjarmálum, sigur við útvarpið, at hon ikki hevur verið partur av samráðingunum enn.

Hon fer at kanna málið nærri, og hevur onga viðmerking í løtuni.