Broyta byggisamtykt so myllur kunnu byggjast

Býráðið á Nesi hevur samtykt at broyta byggisamtyktina hjá Nes kommunu, so EFFO kann gera vindmyllulundina Eysturlund yviri í Nev.

EFFO hevur upplýst fyri kommununi, at EFFO hevur tosað við Búnaðarstovuna og festarin.

Bæði taka undir við ætlanini. 

EFFO hevur boðað frá í tíðindaskrivi, at 24 myllur skulu byggjast. 

Tær skulu gera streym til vinnulívið, eitt nú Havsbrún.

Vindmyllurnar eru av slagnum Vestas V-117. 

Tær eru 92 metrar høgar, og veingjaspennið er 117 metrar.

Ætlanin er eisini at gera vetni, sum kann nýtast til grøna orku hjá bátum og skipum.