Einki vatn í Hoyvíkstjørn: Steinarnir skulu burtur

Dunnuungarnir við Hoyvíkstjørn skulu verjast. Tað heldur Tórshavnar kommuna, sum nú er farin undir eitt størri arbeiði í tjørnini.  

Tjørnin er tømd, meðan Tórshavnar kommuna ger broytingar í økinum.

Steinarnir í tjørnini, sum ímynda Føroyar á einum korti, skulu takast burtur. Likkurnar hava brúkt steinarnar til at fáa fatur á dunnuungunum.

Arbeiðið ávirkar eisini sílini, sum vanliga halda til í Hoyvíkstjørn. Meðan tjørnin er tóm, eru sílini flutt á Sjósavnið.