Kvinnur í herinum hava givið Noregi betri verju

Meðan danska stjórnin drálar við at siga, hvat hon heldur um herskyldu fyri kvinnur, ivast tey ikki í Noregi og Svøríki.

Sum tað fyrsta landið í Nato, gjørdi Noreg í 2014 av, at herskylda ikki bara skuldi galda fyri menn, men eisini fyri kvinnur. Hetta er eisini fyri at sleppa undan mismuni millum menn og kvinnur.

Í dag er ovasti sersjanturin í norsku verjuni, Rune Wenneberg, ikki í iva um, at hetta var ein røtt avgerð.

- Skipanin hevur verið sera væl eydnað, og hevur givið okkum eina betri verju, sigur hann. 

33,5 prosent gjøgnumføra herskylduna

Talið á kvinnum í Noregi, sum gjøgnumføra fyrstu verjutænastuna, er meira enn tvífaldað frá 2014 til 2023. Úr 13,6 prosentum upp í 33,5 prosent.

- Vit hava nú eitt munandi størri grundarlag at velja millum fólk, sum kunnu fara inn í ta professionellu verjuna, sigur Rune Wenneberg.

- Tað sæst ofta, at kvinnur í 19-20 ára aldrinum eru meira búnar enn menn, og tí finna betri umhugsaðar loysnir, leggur hann afturat.