Stórur áhugi fyri U8-kapping í hondbólti

- Tað kann væl hugsast, at metstóri áhugin, sum er fyri eini U8-kapping í hondbólti um vikuskiftið, er ein avleiðing av føroyska EM-avrikinum í farna mánaði.

Tað sigur Ári Rouch, kappingarleiðari í Hondbóltssambandinum.

A-landsliðið hjá monnum vakti ans kring allan hondbóltsheimin við sínum trimum EM-dystum í Berlin í farna mánaði, og nú fara heili 550 børn í yngsta aldursbólkinum at kappast í Havn leygardagin:

U8-kappingin um vikuskiftið er tann fimta í vetur, og tann sætta og seinasta verður í Klaksvík leygardagin 9. mars.