MRCC: Givnir at leita

Frystilínuskipið Kambur fekk ein sjógv tann 6. februar, tá skipið var statt 15 fjórðingar sunnan fyri Føroyar. Skipið legði seg á liðina og sakk nakrar tímar seinni. 

14 av 16 mans vóru bjargaðir til lands, og leitað hevur síðani verið eftir tveimum monnum. Men klokkan 19 í gjárkvøldið komu boð um, at leitingin var steðgað.

Tjaldrið og Brimil leitaðu í allan gjár til klokkan 19 í gjárskvøldið og fyrradagin var somuleiðis eitt flogfar við í leitingini, upplýsir MRCC. 

- Tjaldrið og Brimil eru í løtuni staddir ávikavist vestan fyri Suðuroynna og Sandoynna, har man heldur eyga við um okkurt er, men tað er ikki skipað leiting longur, sigur vakthavandi á MRCC.