Fimm mál fáa fyrstu viðgerð í dag

Fimm fyrstu viðgerðir eru á skránni fyri tingfundin í dag.

Millum annað biður Almannaráðið um tvær milliónir aftrat til sambýlið til fólk við menningartarni og fjølbreki í Reynstúni á Argjum.

Í 2022 læt løgtingið 54 milliónir til byggingina.

Nú biður Almannaráðið um tvær milliónir aftrat.

Tær tvær milliónirnar eru tøkar í fíggjarlógini fyri 2024, sigur Almannaráðið, tí sambýlið á Mýrini bleiv bíligari enn mett.

Varpið og FM

Og tvey uppskot um eykajáttanarlóg hjá Fólkaflokkinum í Norðoyggjum eru eisini á dagsskránni í dag.

Biðið verður um fimm milliónir til Varpið og eina millión til FM-sendinet í bergholinum til Viðareiðis.

13 aðrir tingfundir eru settir á skránna í februar, mars og apríl.