Bill kann ikki umboða Fólkaflokkin sum varamaður

Bill Justinussen, sum fór úr Miðflokkinum í Fólkaflokkin, kann ikki umboða Fólkaflokkin í løgtinginum, verður hann biðin um at vera varalimur har.

Bill Justinussen var triði maður hjá Miðflokkinum á løgtingsvalinum í 2022.

Hann er tí varalimur hjá Jenisi av Rana og Steffani Klein Poulsen, tingmonnum.

Situr í sessinum hjá Miðflokkinum

Biður annar av teimum um at fáa varalim inn, kann Bill Justinussen taka av, men hann situr tá í sessinum hjá Miðflokkinum í løgtinginum.

Hóast hann eigur tingsessin, kann hann ikki umboða Fólkaflokkin í hesum valskeiðinum.

Hann kann eisini siga nei, og tá verður fjórða valevnið á listanum hjá Miðflokkinum boðsent. Tað er Rósa Tyril Gaardlykke.

Fordømi

Eitt fordømi var í mars í 2022.

Tá vóru Jógvan Skorheim og Terje Vestergaard varalimir hjá Sjálvstýri.

Men teir vóru farnir úr flokkinum og vildu ikki fara í løgtingið sum sjálvstýrismenn.

Teir vóru tó ikki farnir í annan flokk.

Tá kom so fjórði maður á listanum hjá Sjálvstýri, Sámal Petur í Grund, í løgtingið.