Mette Frederiksen í Ukraina

Mette Fredriksen, forsætisráðharri í Danmark, er í løtuni í Ukraina, har hon hevur hitt Volodymyr Zelenskyj, forseta.

Tað er fjórðu ferð, at Mette Fredriksen vitjar í Ukraina, eftir at Russland gjørdi innrás í Ukraina fyri júst tveimum árum síðani. 

Vitjanin er í býnum Lviv, har vesturi í landinum 

Mette Frederiksen og Zelenskyj hava skrivað undir avtalu, sum tryggjar framhaldandi fíggjarligan og hernaðarligan stuðul til Ukraina í 10 ár.

Mette Frederiksen og Troels Lund Poulsen, verjumálaráðharri, boðaðu frá avtaluni á tíðindafundi í gjár, og í dag hava forsætisráðharrin og ukrainski forsetin skrivað undir avtaluna.