Mjólkarvirkið selur nógva mjólk til Grønlands

Í fjør seldi Mjólkarvirkið góð 20 tons av mjólkaúrdráttunum til Grønlands, og fyrstu tveir mánaðirnar í ár hava tey longu selt 10 tons av mjólkaúrdráttum til Grønlands.

Tað er stóra handilsketan, Pisifikk, ið selur føroysku mjólkina í Grønlandi.

Tað er ikki vanligt at útflyta føroyskar landbúnaðarvørur, men í hesum føri hevur Mjólkarvirkið funnið ein marknað, sum lønar seg.

Høvuðsvørurnar eru nú pakkaðar inn í pakkar við grønlendskari áskrift, og tað hevur eisini gjørt mun.

Flestu inuitar, eins og flestu asiatar, tola ikki mjólk. Ella rættari, teir tola ikki laktosu, sum er í mjólk. Men tað hevur Mjólkarvirkið funnið eina loysn uppá.