Arbeiðsgevarar: Allar stuðulsskipanir eiga at verða tiknar av

- Allar stuðulsskipanir eiga at verða tiknar av, men skulu vit hava eina fiskavirkisskipan, mugu treytirnar vera tær somu fyri føroyingar og útlendingar, sum arbeiða í fiskavøruídnaðinum.

Tað sigur stjórin í Vinnuhúsinum, Niels Winther, sum í hesum føri umboðar Føroya Arbeiðsgevarafelag, nú kanningar vísa, at fiskavirkisskipanin í størri mun verður nýtt til at útvega arbeiðspláss til útlendingar, sum eru komnir til Føroya at arbeiða gjøgnum snarskipanina - fast track:

Niels Winther, Vinnuhúsið

Niels Winther. (Savnsmynd: Bjarni Árting Rubeksen)

Sambært Búskaparráðnum, er fiskivirkisskipanin ein av fleiri stuðulsskipanum, sum eiga at verða tiknar av, tí skipanin fastheldur fólki í einari inneffektivari vinnu og minkar um búskaparvøksturin:

Men verður fiskavirkisskipanin tikin av, fer hetta óivað at fáa avleiðingar fyri fiskavirkini. 

- Vit hava spurt okkum fyri hjá fiskavirkjunum, og tey siga í summum førum, at høvdu tey ikki útlendingar, so høvdu tey ikki nóg mikið av fólki til at halda virkinum gangandi.

Soleiðis segði formaðurin í ALS-stýrinum, Eyðfinnur Jacobsen, við útvarpið í síðstu viku.

Hesum tekur Niels Winther undir við:

Kortini er tað órættvíst fyri aðrar vinnur, at fiskavøruídnaðurin hevur eina serskipan, heldur Niels Winther: