Landsrætturin stytti fongsulsrevsingina ein mánað

Ein maður var í Eystara landsrætti í gjár dømdur seks mánaðar fongsul fyri at hava havt samlegu við barn, sum er yngri enn 15 ár.

Maðurin, sum er fyrst í tríatiárunum, var ákærdur fyri nakrar ferðir at hava havt samlegu við gentu, sum var 13-14 ára gomul, fyri at filma tað og fyri at hava tilfarið í varðveitslu. 

Talan var ikki um neyðtøku.

Hetta skal vera hent í 2022, men var ikki meldað fyrr enn í fjør.

Maðurin noktar seg sekan í ákæruni.

Føroya rættur dømdi mannin sjey mánaðar fongsul, men Landsrætturin metti ikki, at málið var so grovt, at hann skuldi inn at sita í sjey mánaðir. 

Eystari landsrættur dømdi mannin hálvt árs fongsul.