Frítekst tagging:
- Tíðindi, mentan og ítróttur
Nógvur roykur, men ikki nógvur eldur
Nógvur roykur, men ikki nógvur eldur
Eldurin í Pizza Number 1 í Vágsbotni kyknaði í køkinum
Einki fólk var inni, tá eldur kom í, og neyðugt var hjá sløkkiliðnum at bróta hurðina inn.
Mynd: Bjarni Árting Rubeksen
18.03.2024 - 13:59
Eldurin, sum var í Pizza Number 1 í Vágsbotni í Havn um middagsleitið, er sløktur. Nógvur roykur var, men ikki nógvur eldur.
Politiið veit ikki at siga, hví eldur kyknaði í. Bygningurin er nú byrgdur av, meðan løgreglan ger kanningar.
Løgreglan sigur, at eldurin kyknaði í køkinum.
Bygningurin er nú byrgdur av, meðan løgreglan ger kanningar. (Mynd: Bjarni Árting Rubeksen)
Einki fólk var inni í bygninginum, tá ið eldur kom í. Hurðin var stongd, og neyðugt var at bróta hurðina inn.
Vakthavandi á løgreglustøðini sigur, at tað er bara sjálvt pitsaria, sum hevur fingið skaða, og ikki bygningarnir, sum standa tætt við.
Heldur ikki bygningurin í erva hevur fingið skaða, sambært løgregluni. Vakthavandi vísir tó ikki aftur, at nakað av roykskaða er.
Er kopiera
Nýggjastu sendingar í ÚV
Nýggjastu sendingar í SV
