EM er ein stór avbjóðing

bannari
EM er ein stór avbjóðing
Tað fer at hava stóra ávirkan á dagliga arbeiðið í Hondbóltssambandinum árið út, at kvinnulandsliðið síðst í novembur skal til EM-endaspælið.
Hóast Maria Pàlsdóttir Nólsoy og hinar á føroyska kvinnulandsliðnum máttu lúta fyri Íslandi, rakk samlaða avrikið til eitt EM-atgongumerki
Mynd: Kristján Orri/HSÍ  
 
08.04.2024 - 17:20

Tað kostar at spæla góðan hondbólt, og tá ið landsliðini koma til endaspølini, er fíggjarliga avbjóðingin beinanvegin munandi størri enn annars.

- Vit koma nú at arbeiða hetta árið fyri at fáa alt upp á pláss og gera neyðugu fyrireikingarnar, nú kvinnurnar skulu spæla EM, sigur Andrass Thomsen, stjóri í Hondbóltssambandinum.

Hann væntar, at ein partur av fyrireikingunum verður at fáa í lag onkrar venjingardystir, so kvinnurnar kunnu fáa fleiri dystir í hendurnar áðrenn sjálvt endaspælið.

 

Kann gerast nógv dýrari
- Vit hava nógvar og góðar stuðlar, og teir fara vit helst at tosa við eina ferð aftrat, men annars fer umsitingin saman við starvsnevndini at hyggja at fíggjarstøðuni og teimum møguleikum, ið eru, so tað skal bera til at fíggja økta virksemið.

Um ein mánað skal manslandsliðið spæla tveir “play-off” dystir ímóti Norðurmakedonia um at koma við til HM-endaspælið, og eydnast tað, økjast útreiðslurnar munandi.

Har er tað nevniliga so, at samanborið við eitt EM-endaspæl, so halda liðini, sum í fyrsta umfari verða útsligin í HM, fram at kappast um tær ymsu plaseringarnar.

Tí verður tað undir øllum umstøðum nógv dýrari fyri Hondbóltssambandið, um kvinnurnar fyrst skulu til EM og menninir síðan til HM – alt innan fyri nakrar fáar vikur um ársskiftið.

 

Hoyr útvarpssamrøðu við Andrass Thomsen her:

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Er kopiera
Nýggjastu sendingar í ÚV
Hósdag 3. apríl
Brot úr Føroya søgu
190189
Hósdag 3. apríl
Góðan morgun Føroyar
190188
Hósdag 3. apríl
Morgunlestur hósdagur 3.apríl 2025
189978
Mikudag 2. apríl
Eitt korter við klassiskum
190152
Nýggjastu sendingar í SV
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125