Spania til reiðar at viðurkenna Palestina sum sjálvstøðugt land

Spania er til reiðar at viðurkenna Palestina sum sjálvstøðugan stat. 

Tað sigur spanski forsætisráðharrin, Pedro Sánchez, sambært bretska kringvar BBC. Hann heldur, at ein slík viðurkenning kann skunda undir frið í Miðeystri

Í fráboðan til sponsku kongressina í morgun, segði Sánchez, at ísraelska aftursvarið eftir álopini hjá Hamas 7. oktober hevur verið púra óproportionalt, og at ísraelska aftursvarið sett alla støðuna í Miðeystri í vanda.

Vil hava ES við

Sánchez segði eisini, at hann roynir at fáa undirtøku millum ES-leiðarar, um at viðurkenna Palestina sum stat.

Í gjárkvøldið segði avstralski uttanríkisráðharrin, Penny Wong, at ein tvílandaloysn, har ísraelar og palestinar liva lið um lið, er einasta vónin fyri at bróta endaleysu harðskapsringrásina.

Fleiri enn 33.000 palestinar hava higartil latið lív eftir ísraelsku innrásina, har Hamas drap áleið 1200 fólk og tók fleiri enn 250 gíðslar.

Haraftrat er stórur partur av Gasageiranum lagdur í oyði, og nógvir palestinar eru at kalla í hungursneyð, skrivar bretska kringvapið.