Byggisamtykt um Sevmýri almenn í morgin

Broytingin í byggisamtyktini fyri fótbóltsvøllin á Sevmýri fer nú at liggja alment frammi.

Tað ger hon á býráðsskrivstovuni á Tvøroyri frá í morgin til 8. mai.

Møgulig mótmæli og broytingaruppskot skulu vera býráðnum í hendi í seinasta lagi 31. mai.

Byggisamtyktin verður broytt frá at vera frítíðarøki til at gerast miðstaðarøki.

MTV byggivirkið hevur keypt fótbóltsvøllin og økið, sum TB-húsið stendur á.

Ætlanin er at byggja eftirskúla í eystara enda av vøllinum.

Miðskeiðis á vøllinum er ætlanin at gera næmingaheim til Heilsuskúlan, um myndugleikarnir vilja hava tað, og í vestara enda er ætlanin at gera kampingpláss.

Eisini er ætlanin at gera eina tjørn mitt á vøllinum.

Har sum TB-húsið er, er ætlanin at byggja skrivstovubygning og kanska ibúðir eisini.