Savnskvinnan Petra Djurhuus

Petra Djurhuus (1892–1975), fødd á Botni, er fyrsti føroyingur, sum hevur nomið sær lærdóm um konservering og savnsarbeiði. Hon varð partur av Føroya forngripagoymslu, tá goymslan varð endurstovnað í 1928, og fekk ein virknan leiklut í nýskipanini og menningini av Forngripagoymsluni saman við manni sínum, Hans Andriasi Djurhuus, og M.A. Jacobsen, formanni í Forngripagoymsluni.

Margretha Nónklett, savnsvørður, hevur skrivað grein um savnskvinnuna. Í greinini verður fjøltáttaða virksemi hennara lýst, frá tí hon bleiv partur av Føroya forngripagoymslu í 1928, til savnið bleiv almennur stovnur í 1952 og nøkur ár fram. 

Kortini hevur Petra Djurhuus verið lítið lýst í føroysku savnssøguni. Í keldum verður hon ofta nevnd sum hjálparfólk hjá øðrum ístaðin fyri sum ein sjálvstøðugur savnsvørður. Margretha Nónklett roynir víð sínari grein at rætta uppá hetta og geva Petru tann heiður, sum hon hevur uppiborið fyri sítt drúgva og ósjálvsøkna arbeiði innan føroyska sanvsøgu.

Morgunsendingin prátaði við Margrethu Nónklett. Samrøðan kann hoyrast her:

Greinin kann lesast her