Macron útskrivar val í Fraklandi eftir stóran ósigur í ES-valinum

Macron útskrivar val í Fraklandi eftir stóran ósigur í ES-valinum
Fyri fyrstu ferð nakrantíð er eitt tjóðartingsval útskrivað orsakað av úrslitinum av einum ES-vali. Franski forsetin Macron tapir ES-valið so dygt, at hann útskrivaði nýval
Mynd: Ritzau / Scanpix  
 
09.06.2024 - 22:09

Franski forsetin Emmanuel Macron og flokkur hansara, Renaissance, sær út til at fáa ein so dyggan lúsing á ES-valinum, at forsetin hevur tikið avleiðingarnar av úrslitinum og hevur útskrivað nýval í Fraklandi. Fyrra umfar av valinum verður 30. juni, meðan seinna umfar verður hildið 7. juli. 

Hetta er fyrstu ferð, at eitt tjóðartingsval er útskrivað sum eitt úrslit av einum ES-vali. 

Flokkurin hjá Macron sær út til einans at fáa 15 prosent av atkvøðunum á ES-valinum, meðan høgraflokkurin Rassemblement national hjá Marine Le Pen sær út til at fáa 30 prosent av atkvøðunum. 

"Avgerðin er álvarsom og trupul, men tað snýr seg fyrst og fremst um eina álitisváttan á tykkum landsmenn," segði Macron, tá hann útskrivaði valið. 

Yvirhøvur hava høgraflokkarnir í Evropa havt stóra framgongd á ES-valinum. 

Er kopiera
Nýggjastu sendingar í ÚV
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015