FarCargo lendi í Vágum við 30 tonsum av feskum mati

Stutt fyri klokkan seks í kvøld lendi farmaflogfarið hjá FarCargo í Vágum, fullfermt við feskum mati til Føroya Keypssamtøku. Sambært FK er talan um frukt, grønmeti, ost og annan viðskera til allar FK-handlarnar. 

-Hetta er ein serstøða, nú verkfall hevur verið í longri tíð. Men hetta prógvar, at tað ber til, sigur Birgir Nielsen, stjóri í FarCargo. 

Fraktflogfarið hjá FarCargo var fyrst og fremst keypt til at flyta feskan laks hjá Bakkafrosti úr Føroyum, men felagið hevur alla tíðina sagt, at málið eisini er at flyta vørur loftvegis til Føroya. 

-Enn er hetta nýtt, men vit síggja stórt potentiali í at flyta vørur til Føroya við flogfari, og áhugin tykist eisini fyri tí, sigur Birgir Nielsen, nú fyrsta flogfar við vøru til Føroya hevur sett seg í Vágum. 

Hoyr samrøðu við Birgir Nielsen: