Rok í italska tjóðartinginum

Rok í italska tjóðartinginum
Neyðugt var í gjár at trilla ein andstøðupolitikara í italska tjóðartinginum út úr tinginum í koyristóli, eftir at fleiri fólkavald høvdu sligið og sparkað hann
Ruðuleiki valdaði í italska tjóðartinginum í gjár
Mynd: Welt  
 
13.06.2024 - 08:06

Ruðuleiki valdaði í tjóðartinginum, tá ið fólkavald slógu Leonardo Donno frá Fimmstjørnurørsluni, og onnur vóru skumpað. Tað skriva italskir miðlar.

Hetta hendi í undirhúsinum í italska tjóðartinginum, har onnur viðgerð var um lógaruppskotið frá stjórnini um, at landspartnar skulu hava størri sjálvræði. Andstøðan hevur funnist at uppskotinum. Andstøðuflokkar veittraðu við italska flagginum og sungu tjóðsangin. Teir søgdu seg óttast fyri, at landið fór í upploysn. 

Sjónbandaupptøka frá hendingini vísir Leonardo Donno, sum roynir at handa ráðharranum fyri landsparta- og sjálvstýrandi málum, Roberto Calderoli, eitt italskt flagg, og hvussu fleiri fólkavald tysja yvir móti Donno. Tað er ógreitt, um Donno síðani smellur í gólvið eftir at vera sparkaður og sligin. 

Tingfundurin var slitin, og nú skal sjónbandaupptøkan kannast neyvt, skriva italskir miðlar.

Er kopiera
Nýggjastu sendingar í ÚV
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015