Mál um brot á grein 266b skal aftur fyri rættin

Maðurin, sum er ákærdur fyri at bróta grein 266b í revsilógini, skal aftur í Føroya rætt.

Tí nú skal ákærurit skrivast.

Maðurin er ákærdur, tí hann 9. november í 2022 skrivaði niðrandi um samkynd á Vágaportalinum.

Hann játtaði seg sekan, helt ákæruvaldið.

Men tá hann var í rættinum týsdagin, játtaði hann at hava skrivað tað, sum stóð á Vágaportalinum 9. november 2022.

Hann játtaði tó ikki, at tað, sum hann skrivaði, er revsivert.

Nú skal ákærurit skrivast, har hann verður ákærdur fyri at bróta grein 266b.