Soleiðis fer nýggja farstøðin at síggja út

Fyrsta asfaltið var í dag loyst á molanum í Havn, har nýggj farstøð og høvussæti til Smyril Line skal gerast.

Smyril Line og Tórshavnar kommuna saman við Tórshavnar havn byggja nýggju farstøðina og høvuðssætið.

Farstøð í Havn

Heðin Mortensen, borgarstjóri, sat í gravkúnni, tá fyrsta asfaltið var loyst. (Mynd: Smyril Line)

Felags verkætlanin verður 8.054 fermetrar til støddar, og hon fevnir um farstøð við landgongubrúgv og innskriving, umframt størri pakkhús og skrivstovuhøli til Smyril Line.

Høli skal eisini gerast til tollarar.

Verkætlanin skal vera liðug á sumri í 2026. 

Heðin Mortensen og Jens Meinhard Rasmussen

Heðin Mortensen, borgarstjóri, og Jens Meinhard Rasmussen, stjóri í Smyril Line. (Mynd: Smyril Line)

Hon fer at kosta Tórshavnar havn 140 mió. kr.

Fyrsta gjaldið til Smyril Line var 26,3 milliónir. Tað var goldið, tá sáttmálin við arbeiðstakaran var undirskrivaður.

Hitt skal gjaldast, tá byggingin er liðug.

Articon, Henning Larsen Arkitektar, LBF Ráðgevandi verkfrøðingar, PBC og Verk.fo, standa fyri arbeiðnum.