Ísraelar aftur sinnaðir at samráðast um vápnahvíld í Gasa

Ísraelski forsætisráðharrin hevur givið samtykkið til samráðingarfólk, um at taka uppaftur samráðingarnar við Hamas um vápnahvíld í Gasageiranum.

Samstundis eru útlitini vorðin munandi betri fyri, at eftirsitandi ísraelsku gíslarnir hjá Hamas vera leyslatnir. Tað skrivar Reuters tíðindastovan. Tí Hamas hevur flutt seg og tykist vera sinnað at gera eina avtalu um hesar.

- Vit hava fingið eitt gjøgnumbrot, sigur ein talsmaður fyri stjórnina hjá Joe Biden, forseta í USA í kvøld. Tað ganga tó nakrir dagar áðrenn avtalan verður klár, sigur hann.

Sambært NTB, so eru framvegis um 120 ísraelskir gíðslar í Gasa. At hesir vera leyslatnir er ein av lutunum í uppskotinum til vápnahvíld, sum partarnir samráðast um nú.

Egyptaland, Katar og USA hava í fleiri mánaðir virkað sum semingspartar í eini roynd at fáa vápnahvíld í lag millum Ísrael og Hamas.