Gekk ikki rætt fyri seg, tá útbúgvingarstjórin var søgd upp

Elsa Maria Holm Olsen átti at fingið ætlanarskriv um uppsøgn, tá bygnaðarbroytingarnar vóru liðugt viðgjørdar, sigur aðalstjórin í Barna- og útbúgvingarmálaráðnum

Ætlanarskrivið um uppsøgn bleiv í veruleikanum sent til Elsu Mariu Holm Olsen tríggjar dagar undan telefonsamrøðuni millum rektara og aðalstjóra. (Savnsmynd: Bjarni Árting Rubeksen)

Arnfríð Dahl

09.07.2024 - 13:08

Tað gekk ikki rætt fyri seg, tá Elsa Maria Holm Olsen bleiv uppsøgd sum útbúgvingarstjóri á Glasi, og tí hevur Barna- og útbúgvingarmálaráðið ógildað uppsøgnina.

Aðalráðið gjørdist partur av málinum, tá ið advokaturin hjá Elsu Maria Holm Olsen kærdi uppsøgnina til aðalráðið.

Poul Geert Hansen - Aðalstjóri, UMMR

Poul Geert Hansen er aðalstjóri í Barna- og útbúgvingarmálaráðnum. (Savnsmynd: Bjarni Árting Rubeksen)

Elsa Maria Holm Olsen átti at fingið ætlanarskriv um uppsøgn eftir at málið um bygnaðarbroytingar var liðugt viðgjørt, tí uppsøgnin er grundað á bygnaðarbroytingarnar.

Tað sigur Poul Geert Hansen, aðalstjóri í Barna- og undirvísingarmálaráðnum.

Hoyr innslag í útvarpstíðindunum:

09072024_Glasir_og_Poul_Geert

Avgerðin hjá Barna- og undirvísingarmálaráðnum er endalig og kann ikki kærast til annan fyrisitingarligan myndugleika.