Suðurkorea: Verkfall hjá Samsung

Fakfelagið sigur í fráboðan, at tað er løgið, at leiðslan í fyritøkuni ikki letur við seg koma, nú verkfallið hevur vart í tríggjar dagar.

Meira enn 5.000 starvsfólk eru í verkfalli, eftir at fakfelagið í drúgva tíð hevur stríðst fyri betri løn og arbeiðsviðurskiftum. 

Fyritøkan Samsung boðaði týsdagin frá, at verkfallið onga ávirkan hevur á framleiðsluna hjá fyritøkuni.

Fakfelagið sigur hinvegin, at verkfallið hevur stóra ávirkan, og at leiðslan í Samsung fer at angra, at hon ikki hevur gjørt ábøtur. 

- Tess longri verkfallið varar, jú meira rakar tað stjórarnar, og leiðslan fer at enda at koma grulvandi til samráðingarborðið, skrivar fakfelagið.

Kinkur hevur verið í samráðingunum síðani í januar.