Biljagstran í Havn. Piparsirm brúkt í handtøkuni

Beint fyri klokkan sjey í gjárkvøldið endaði ein stutt biljagstran á Gundadalsvegnum í Havn.

Tá fekk politiið steðgað einum bili, sum í fyrsta umfari slapp sær undan politinum.

Biljagstranin byrjaði kl.18.51 og endaði kl.18.55. 

Maðurin gjørdi mótstøðu, tá hann skuldi takast.

Hann er tí skuldsettur fyri harðskap móti politinum.

Piparsirm var brúkt móti honum.

Nógvar skuldsetingar

Fleiri orsøkir vóru til, at politiið vildi tosa við mannin.

Um hálvgumsjey tíðina var boðað frá, at maðurin hevði sparkað inn eina kamarshurð í einum gistingarhúsi í Havn. Eingin var í kamarinum.

Hann er eisini skuldsettur fyri skilaleysa koyring.

Hann koyrdi móti ferðsluni, har einvegis ferðsla er, og rakti ein annan bil.

Og hann koyrdi móti reyðum ljósi, og hann koyrdi ov skjótt.

Maðurin er í fjørutiárunum.

Politiið vil ikki siga, um hann er føroyingur ella útlendingur.